كل ما في الموضوع ان بعض الناس يتفننون في التركيز على كل ما هو سلبي في حياتهم لو كانت حياته ناجحه بنسبه99% ستجده يشكوك من ال1%الذي يؤرقه ويقلق راحته..
لو فقير : هيشتكي من قله الفلوس..
لو غني : هيشتكي من كتر الفلوس والناس اللي بتطمع فيه طول الوقت..
لو صحته كويسه هيقول :اعمل ايه بالصحه من غير فلوس؟
لو معاه صحه وفلوس:هيشتي من أي حاجه وخلاص ..
هيكتشف حاجه يشتكي منها..مش باقول لك بيتفننوا؟
هل قابلت احد هؤلاء من قبل؟
اكيد!
انهم بيننا!!!
خد الموضوع Easy
هناك طريقه فعاله لمواجهه الضغوط الحياتيه ..هذه الطريه نبرع فيها نحن المصريون بشكل خاص
هذه الطريه ببساطه هي:
تعامل مع الموضوع بروح مرحه..واجه المشكله بخفه ظل وروح رياضيه .. ببساطه ..بضحك ..
بهذه الطريقه ستمر الضغوط مر الكرام ولن تدرك في داخلك ندوبا..
قد ترد قائلا:
اتعني ان اتعامل مع الحياه بأستخفاف واتجاهل مشاكلي؟
فأرد واقول:
ليس مطلوبا ان اصاب بالاكتئاب كي احل مشاكلي!
كل كتب اداره الضغوط والازمات تركز عن نقطه هامه وهي ان تعزل نفسك عن المشكله وكأنك طرق خارجي ولست جزءا منها.. كي تكون هادىْ الاعصاب..
هذا ما اقوله هنا .. المشاكل من الممكن ان نواجهها بأكثر من طريقه ..منهم هذه الطريقه التي اقولها لك الان..
اضحك واسخر حتى من نفسك ..دع المشاكل تمر وكن هادئاً .. بعد ذلك يمكنك ان تفكر في حل المشكله كما تريد, وقتها سيكون ذهنك اكثر صفاءً ا لانك هادىْ وسعيد اساسا!
انها حياه واحده التي نعيشها في هذه الدنيا ..ان لم نكن سعداء الان فمتى؟
مثال:
هذه قصه شاب اسمه احمد.. لاحظ اسلوبه في التعامل مع مشاكله وضغوطه اليوميه ..
"احمد " ده بقى شاب في مثل سننا ..
شيك ..مبتسم طوال الوقت..روش
يعمل في بوفيه في احد الشركات , في احد ايام الشتاء الماضي جلس معه صديقه "شريف "بعد ان انتهى من عمله وراحوا يتجاذبوا اطراف الحديث ..
قال " احمد" :
شفت يا شريف المطر اللي غرق الدنيا امبارح ده؟
دا انا اتبهدلت فيه والله ..
تابع "احمد "
"احنا قاعدين في كشك اساساً .. اللي في الارض اللي قدام دي..
بعد ما باخلص شغل بأرجع انام في الكشك الجميل ده..
تخيل يا شريف ؟ المطر نزل علينا صحانا من النوم..ههههه تقولش السقف ورق؟؟؟
المطر نزل غرقنا ..والله العظيم بقيت زي الكتكوت المبلول .. وامي راحت باتت عند خالتي لان المطر طول كذا يوم..
فضلت انا والواد اخويا مع بعض في السيول دي ههههه
صاحب الارض دخل علينا لقانا نايمين قاعدين وكل واحد حاطط حله على دماغه هههههه كان منظرنا يفطس من الضحك..
قلت له مش تبني لنا سقف عدل بدل ما نتبل كده وتطلع عينينا ؟؟
الراجل قعد يضحك وقال لي هيبني لنا بكره الصبح حاجه احسن..
والله ظريف الشتا ده يا شريف ..كان يوم زي العسل والله!!!
لو انت كنت مكانه ..وحصل لك نفس الموقف ده ..هل هتنظرله بنفس خفه الدم؟
تعرف ان الموقف ده ممكن يتحكي بطريقه حزينه؟ (زي بقى ما انت عارف يستمر في انداب حظه)
معظم المشاكل التي قد تواجهها .. لا بد ان تجد فيها شيئا يصلح للسخريه !
جرب نفسك :
خد عندك هذه المشاكل لتجرب فيها مع نفسك .. حاول ان تحكيها بخفه دم .. السخريه كامنه في كل شىْ وتنتظر فقط ان تلاحظها ...
ستجد السخريه .. كل شىْ يصلح للسخريه ..فقط ابحث عنها:
• انطردت من شغلك لان المدير لا يحبك ..
• اتزحلقت على قشره موزه ,رجلك انكسرت..
• تركتك الفتاه التي تحبها واحبت شاب غيرك..
خليك مبتسم ..اسخر من هذه المواقف البلهاء المضحكه
البكاء لن يفيد..الحزن لا يحل المشكله بل هو خلاصه المشاكل نفسها..
• حل مشاكلك ولا داعي لان تزيدها تعقيداً ..كن سعيدا !!هكذا ببساطه
• حتى وانت تواجه مشاكلك..
• يمكنك ان تحزن طبعا ..
• يمكنك ان تبكي وتدمع عيناك..
لكن لاحظ:
ان الحزن اختيارك الشخصي
كما ان السعاده اختيارك الشخصي
لانك من يقرر طريقه تفكيرك ونظرتك للأمور.
**************
